Qué é
O LUPUS
É unha enfermidade sistémica autoinmune inflamatoria e inmunomediada, cunha gran variedade de expresión clínica. É unha enfermidade crónica heteroxénea caracterizada pola posible afectación de múltiples órganos e sistemas.
Lupus Eritematoso Sistémico
É o tipo de lupus máis común de todos, representa o 70% dos casos. Pode afectar a calquera sistema ou órgano, os máis frecuentes son as articulacións e os riles, pero pódese ver afectado calquera órgano interno. Evoluciona en forma de brotes que se manifestan con diferente intensidade.
Lupus eritematoso cutáneo
Este lupus afecta só á pel. Estímase que aparece nun 10% dos casos. Pode ser agudo, subagudo ou crónico.
DIAGNOSE
O lupus eritematoso sistémico non ten ningunha proba que sexa específica para establecer unha diagnose da enfermidade.
A diagnose do lupus baséase en tres aspectos fundamentais:
1.- Os síntomas que conta o doente.
2.- O exame físico.
3.- As análises de sangue e ouriños.
Nas análises de sangue e ouriños, o doente con lupus pode presentar algunhas anomalías que fan sospeitar a enfermidade. É frecuente que teña o número de leucocitos, linfocitos e plaquetas máis baixo do normal. Pero o achado máis específico é a aparición dos anticorpos nucleares.
Case o 100% dos doentes presentan anticorpos antinucleares. Ademais, existen outros anticorpos máis específicos do lupus cuxa presencia axuda a confirmar a diagnose, o anti-DNAds, anti-Sm e anti-RO.
TRATAMENTO
Non existe un único tratamento para controlar a enfermidade de feito, os que se utilizan son moi diferentes duns doentes a outros.
Aínda así existen uns que adoitan repetirse con bastante frecuencia: os antiinflamatorios, corticoides, antipalúdicos, inmunosupresores e fármacos biolóxicos.
Ademais disto, é adecuado levar unha vida sa en canto á alimentación e tentar expoñerse o menos posible ao sol.
Se queres saber máis sobre o tema podes ler ou descargar as guías que publicaron diferentes entidades aquí.
CONSELLOS
O Lupus non ten un tratamento como tal pero existe a posibilidade de mellorar a calidade de vida levando uns hábitos máis saudables. Cambiar os costumes por outras máis sas pode axudar a que os brotes non aparezan.
DATOS
